Jornalet es un mèdia independent. Es un jornal occitan, escrich en occitan e pensat per Occitània. Es, en fin de compte, un jornal modèrne per un país que vòl viure. Jornalet es pas un jornal sectari, sens l'influéncia de cap de partit. Es pas un jornal pensat o fach contra degun; Jornalet es unicament en favor d’Occitània e de totas las iniciativas que fan avançar lo país dins los domenis cultural, educatiu, lingüistic, politic, economic, social e ecologic. I a de plaça per totas las voses del país, tant que seràn respectuosas e tolerantas. Jornalet, dins aquel sens, non sonque publica de nòvas e d'entrevistas, mas es tanben un endrech participatiu ont totes podèm aver la nòstra opinion e i exprimir lo nòstre vejaire. Per rapòrt a la lenga, lo Jornalet es un jornal escrich exclusivament en occitan. Normalament s’emplega l’occitan referencial, mas i a d'articles dins totes los dialèctes. Occitània es un país grand e ric lingüisticament, e tot aquò es un patrimòni que cal preservar e projectar dins l'avenidor. Lo jornal a sonque un limit: se publicarà pas que d'articles escriches en la nòrma classica fixada per Alibèrt e completada per lo CLO.