Stáisiún raidió pobail comhleasa Gaeilge do Bhaile Átha Cliath is ea Raidió na Life. Táimid ag craoladh ar fud mhórcheantar BÁC ó 1993 ar bhonn neamhbhrabúsach, oideachasúil & pobail. Déanann an stáisiún comhtháthú ar lucht labhartha na Gaeilge i mBÁC, eagrais Ghaeilge logánta is náisiúnta, daoine go bhfuil spéis acu sa Ghaeilge agus daoine go dtaitníonn réimsí éagsúla ceoil leo – ag cur san áireamh daoine go mb’fhéidir nach mbeadh teagmháil rialta acu leis an nGaeilge, taobh amuigh den teagmháil a fhaigheann siad léi trí éisteacht leis na cláir ceoil seo ar RnaL. Clúdaímid réimse leathan spéise an phobail/na bpobal uile sin inár gcuid clár trí réimse leathan stíleanna agus ábhair chláir a sholáthar sa chlársceideal. Tá ilchultúrachas ag baint leis an phobal sin agus ilghnéitheacht i dtaca le réimse spéise, próifíl aoise, cumas sa Ghaeilge agus rannpháirtíocht i gcur chun cinn na Gaeilge de. Tá Raidió na Life tiomanta chun a oiread cláracha agus is féidir a sholáthar a fhreastalóidh ar an ilghnéitheacht sin i measc a lucht éisteachta. Craolann an stáisiún ar 106.4 FM i mórcheantar Átha Cliath agus ar líne ag www.raidionalife.ie. Raidió na Life is a community-of-interest Irish language radio station in Dublin. We've been broadcasting in Dublin since 1993 on a non-profit, educational and community basis. We provide a service for Irish speakers in the capital city as well as people with an interest in the language and music-lovers of all kinds – including those who don't have regular contact with Irish. We have a diverse range of programmes, with a focus on Dublin city, county and commuter belt. It is a multicultural and diverse community, with a wide range of interests, age profile, level of fluency in Irish and active participation in the Irish language community. We provide as wide a choice of programming as is possible to serve that diversity. The station broadcasts on 106.4FM in Dublin and online at www.raidionalife.ie