O CPETIG traballa para dar resposta e solucións aos múltiples problemas que a nosa profesión ten plantexados, prestando os seus servizos non só aos seus profesionais se non tamén aos usuarios das TIC e á sociedade en xeral. É esta sociedade a que demanda e demandará calidade nas TIC, xa que estas están a soportar a economía dixital, e somos precisamente os profesionais das enxeñarías en informática os que podemos aportar esas garantías. Traballamos por facer da nosa profesión unha profesión digna, recoñecida e prestixiosa.