Училница е платформа за едукација на деца и млади. Тука искуствено ги развиваме вештините за реализација на детските афинитети. Училница промовира и имплементира повеќемесечни online и offline училници наменети за деца и млади од 6 до 18 години, со цел да поттикне и да овозможи фокусна точка за умови на идни генерации. Целта е да се изучат алатки и методи за да истражување нови и креативни начини на решавање проблеми, прикажување на податоци, развој на иновации и поврзување информации од повеќе полиња. Уметноста и техничките предмети природно се испреплетуваат и меѓусебно се надополнуваат, така што примената на STEAM принципите во образованието овозможува поголемо разбирање, иновации и кохезивно образование во училницата. Училниците сами по себе се комбинација од технологија и стручност, соединети во повеќемесечни програми, преку кои се стекнува збир на вештини во вид на занает, кои не само што помагаат да се насочат своите области на интерес, туку и се учи да се користи технологијата за општествена промена и лично надоградување. Дополнително влијание на училниците со ваквиот пристап е тоа што се дава можност самостојно да се пронајде својата улога во колективот додека се осознава светот преку самостојна работа. Преку посебно создаден наставен план за секоја од образовните сфери, но и преку ментори што нудат современа и повеќеслојна перспектива во создавањето, образовното искуство овде претставува решителен став кон развивање на критичката мисла. Што е тоа што нè прави поразлични од другите? Училница не е просторија, туку филозофија. Се обидуваме да се издвоиме преку револуционизирање на методологијата и материјата за учење. Веруваме дека голема улога играат менторите што се околу нас, кои ни помагаат да растеме и да созреваме. Токму преку внимателно избраниот тим на ментори, кои се слушачи и предавачи на знаење, се обидуваме да укажеме на клучноста на значењето и важноста на улогата на наставникот/менторот во денешното образование.