Nova Xestión Cultural é un modelo de negocio no sector cultural baseado no traballo en rede, cunha estrutura dinámica e flexible que permite unha adaptación rápida aos cambios e ás necesidades dos seus usuarios e clientes. A empresa adícase á consultoría, ao deseño e á xestión de proxectos culturais tanto para o sector público como para o privado, e conta para implementalos cunha extensa rede de colaboradores mebros da rede. Os membros da rede Nova Xestión Cultural, pertencentes a diferentes eidos e categorías profesionais (traballadores liberais, empresas, etc), fan un uso eficaz e eficiente da tecnoloxía, como mecanismo de traballo, de comunicación e intercambio de información. A experiencia profesional destas persoas e empresas é a que fai que Nova Xestión Cultural poida acometer unha ampla variedade de proxectos, aportando profesionalidade, creatividade e unha visión multidisciplinar e aberta dos contidos dos seus traballos, facéndoos únicos e participativos. Os membros de Nova Xestión Cultural son economistas, deseñadores, arquitectos, politólogos, consultores, traballadores sociais, lingüistas, escritores, clowns, biólogos, matemáticos, artistas...