ФАКУЛТЕТОТ ЗА ИНФОРМАТИЧКИ И КОМУНИКАЦИСКИ ТЕХНОЛОГИИ е нова единица на битолскиот Универзитет и е формирана во 2014 година во состав на Универзитетот „Св. Климент Охридски“ – Битола. ФИКТ врши високообразовна дејност како додипломски, последипломски и докторски студии, како и научно-истражувачка и применувачка дејност од научните полиња ИНФОРМАТИКА (110) и КОМПЈУТЕРСКА ТЕХНИКА И ИНФОРМАТИКА (212). Со отворањето на оваа високообразовна единица во составот на УКЛО се етаблира факултет комплетно фокусиран на едукација на информатички кадар.