ხალიკ ბანკი საქართველო წარმოადგენს ხალიკ ბანკი ყაზახეთის (halykbank.kz) შვილობილ ბანკს, რომელიც არის ყაზახეთის საფინანსო ბაზრის ერთ-ერთი ლიდერი და მისი ისტორია უკვე 95 წელზე მეტს ითვლის. ამ პერიოდის განმავლობაში ბანკმა მიაღწია პროფესიონალიზმისა და რეპუტაციის უმაღლეს საფეხურს და მას ენდობა მილიონობით კლიენტი როგორც ყაზახეთში, ისე მის ფარგლებს გარეთ. 2006 წელს ბანკის აქციები წარმატებულად განთავსდა ლონდონის საფონდო ბირჟაზე. სს "ხალიკ ბანკი საქართველო" თავის მომხმარებელს საბანკო მომსახურების ფართო სპექტრს სთავაზობს: საცალო და ბიზნეს დაკრედიტება; საბანკო საგადახდო ბარათები; საანგარიშსწორებო-საკასო მომსახურება; ფულადი გადარიცხვები; დისტანციური საბანკო მომსახურება. მსოფლიოს სარეიტინგო კომპანიების სამეულში შემავალმა Fitch Ratings-მა სს „ხალიკ ბანკი საქართველოს“ 2019 წლის რეიტინგი და გრძელვადიანი ემიტენტის დეფოლტის რეიტინგი (IDR) „BB-“ დან „BB“ პოზიტიური პროგნოზით გაუზარდა.