Akademia jCoders është një institucion i cili ofron trajnime për nxënësit e moshave 7-18 në fushën e teknologjisë. jCoders është e akredituar nga Autoriteti Kombëtar i Kualifikimeve dhe e certifikuar nga institucioni amerikan AdvancED. Misioni i Akademisë jCoders është krijimi i storjeve të suksesit për gjeneratat më të reja në fushën më të gjithëanshme dhe më të kërkuar sot, atë të teknologjisë. Planprogrami i akademisë jCoders është përpiluar në mënyrë të tillë, ku fëmijët dhe të rinjtë ekspozohen ndaj formave të ndryshme të krijimit teknologjik, duke u përqendruar në projekte të thelluara dhe praktike në mënyrë që t’i përgatisim për sukses në karrierë. Akademia jCoders është themeluar me fokus në arsim në vitin 2015, dhe është akademia e parë në Kosovë që morri iniciativën të mësojë më të dashurit tanë për fushën e teknologjisë. Duke përcjellë rëndësinë e teknologjisë në kohët moderne, si dhe, duke vlerësuar varshmërinë ndaj teknologjisë, lehtë mund të konkludojmë që njohuritë mbi teknologjinë në përgjithësi, janë esenciale për të ardhmen e gjeneratave të reja. Akademia jCoders ndodhet në 5 qendra të Kosovës: Prishtinë, Pejë, Mitrovicë, Gjilan dhe Prizren.