KPMG er leiðandi ráðgjafar- og þekkingarfyrirtæki sem veitir fyrirtækjum af öllum stærðum og gerðum þjónustu á sviði endurskoðunar og reikningsskila, rekstraráðgjafar og skatta og lögfræðiráðgjafar. Starfsmenn KPMG á Íslandi eru um 270 á 16 skrifstofum og starfsstöðvum. Höfuðstöðvar eru að Borgartúni 27. Á heimsvísu starfa meira en 236 þúsund manns hjá KPMG í 145 löndum og landsvæðum. Samstarf þessa stóra hóps byggir á reglubundnu gæðaeftirliti og aðgangi að upplýsingum sem tryggir fagþekkingu í heimsklassa og sömu þjónustu í öllum heimshornum. Framkvæmdastjóri félagsins, Jón Sigurður Helgason, er hluthafi. KPMG á Íslandi er skipt í fjögur svið. Þau eru: Endurskoðunarsvið sem leitt er af Magnúsi Jónssyni. Bókhaldssvið sem Birna Mjöll Rannversdóttir veitir forstöðu. Ráðgjafarsvið, sviðsstjóri er Benedikt K. Magnússon. Skatta- og lögfræðisvið - KPMG LAW, sviðsstjóri er Soffía Eydís Björgvinsdóttir.