2014-cü ildən onlayn bloq olaraq fəaliyyət göstərən "Makerspace Azərbaycan" daim maraqlı Do-it-yourself (DIY) layihələrini məqalə və video formatında sizlərə təqdim etmişdir. Bununla bərabər hər zaman əsas məqsəd ölkəmizdə ictimaiyyətə və hər yaş qrupuna açıq ilk texnoloji emalatxana (Makerspace) açmaq olub. Makerspace-lə biz ölkəmizdə insanların öz texniki bacarıqlarını inkişaf etdirəcəyi, maraqlı layihələrini həyata keçirəcəyi, bilik və təcrübələrini bölüşəcəyi bir məkana nail olmaq istəyirik. Emalatxanamızda tam təchizatlı elektronika iş masaları, əlavə işlər görə bilmək üçün boş masalar, bütün lazımi avadanlıqlar, 3D printer və sürətli internet mövcuddur. Zamanla tələbata uyğun olaraq digər lazımi avadanlıqlar da inventarımıza əlavə olunacaqdır.