“ორეი” საქართველოში წარმოებული ქაღალდის პროდუქციის სავაჭრო ნიშანია. თანამედროვე ტექნოლოგიებით და მანქანა-დანადგარებით აღჭურვილი “ორეი”-ს ქარხანა თბილისში მდებარეობს. კომპანია უმაღლესი ხარისხისა და განსხვავებული ასორტიმენტის ცელულოზის პროდუქციას აწარმოებს. “ორეის” პროდუქცია წარმოდგენილია მთელი ქვეყნის მასშტაბით, მსხვილ, თუ საშუალო სავაჭრო ქსელებში, მცირე ობიექტებსა და საბითუმო წერტილებში. “ორეის” საკუთარი დისტრიბუციის ქსელი უზრუნველჰყოფს კომპანიის და მისი პარტნიორი ორგანიზაციების პროდუქციის მიტანის სერვისს ქვეყნის მასშტაბით. “ორეი” კორპორატიულ კლიენტებს სთავაზობს როგორც საკუთარი წარმოების ქაღალდის პროდუქციას და ბრენდირებულ დისპენსერებს, ასევე პარტნიორი კომპანიების ჰიგიენური საშუალებების ფართო ასორტიმენტს. კიდვე ერთი მომსახურება, რომელსაც კომპანია მომხმარებლებს სთავაზობს არის დასუფთავების მრავალპროფილური სერვისი. “ორეი”-ს მისიაა შესთავაზოს მომხმარებელს საუკეთესო ხარისხის ქაღალდის პროდუქცია, რომელიც კონკურენციას უწევს იმპორტირებულ ნაწარმს, რითიც კომპანია ამცირებს იმპორტის წილს ქვეყნის ეკონომიკის აღნიშნულ დარგში.