Rotary er alþjóðleg hreyfing með um 1,2 milljón félagsmanna sem koma úr hinum ýmsu störfum og eru klúbbar starfandi í meira en 200 löndum. Á Íslandi eru félagar um 1.200 í 32 klúbbum. Þessi alþjóðlegu samtök standa fyrir mannúðar- og menningarstarfi, stuðla að sem bestu siðgæði í öllum starfsgreinum og hvetja til góðvildar og friðar í heiminum. Til marks um það er opinbert kjörorð alþjóðahreyfingarinnar: „Þjónusta ofar eigin hag“. Fjórpróf rótarýmanna: Er það satt og rétt? Er það drengilegt? Eykur það velvild og vinarhug? Er það öllum til góðs?