उद्योजकता यशस्वी करण्यासाठी फक्त एकच गोष्ट हवी असते. यशस्वी उद्योजकाची जीवनशैली आत्मसात करणं. म्हणजेच, उद्योजक लाईफस्टाईल घडवणं! उद्योजक लाईफस्टाईल : महाराष्ट्रात १०,००० उद्योजक घडवण्याचं ध्येय घेऊन सुरु झालेला एक अभिनव प्रयोग मराठी तरुणांमध्ये ध्येयासक्ती आहे. मोठी स्वप्नं आहेत. धडपड करण्याची जिद्द सुद्धा आहे. परंतु उद्योजकतेच्या बाबतीत सकारात्मक इकोसिस्टिम नसल्याने एकतर पहिलं पाऊलच टाकता येत नाही – आणि हिमतीने टाकलंच तर अनंत अडचणींना विनाकारण सामोरं जावं लागतं. ही समस्या सोडवण्यासाठी, मराठी तरुणांमधून शास्त्रशुद्ध रीतीने उद्योजक घडवण्यासाठी उद्योजक लाईफस्टाईल हा उपक्रम सुरु केला गेला आहे. महाराष्ट्रात १०,००० उद्योजक – फक्त उद्योजकच नव्हे, “यशस्वी उद्योजक” घडवणे – या ध्येयाने उद्योजक लाईफस्टाईल जोमाने काम करत आहे.