Mərkəz öz fəaliyyətini Dayanıqlı və Operativ Sosial Təminat Agentliyinin Müşahidə Şurasının 2021-ci il 17 dekabr tarixli Qərarı ilə təsdiq edilmiş “DOST Rəqəmsal İnnovasiyalar Mərkəzinin Nizamnaməsi”nə uyğun olaraq təşkil edir. Mərkəz Əmək və Əhalinin Sosial Müdafiəsi Nazirliyinin Aparatında, onun strukturuna daxil olan qurumlarda və strukturuna daxil olmayan tabeliyindəki qurumlarda aşağıdakı istiqamətlərdə fəaliyyət göstərir: • informasiya texnologiyaları siyasətinin müəyyənləşdirilməsində iştirak etmək; • informasiya-kommunikasiya məsələlərini vahid şəkildə idarə etmək; • qurumlar arasında informasiya bazaları ilə qarşılıqlı inteqrasiyanı təmin etmək; • elektron xidmətlərin təşkilini və dayanıqlılığını təmin etmək; • informasiya sistemlərinə dəstək göstərmək və onu inkişaf etdirmək; • informasiya sistemlərinin səmərəli və təhlükəsiz işini təmin etmək; • informasiya texnologiyaları sahəsində idarəetmə sistemini təkmilləşdirmək.