بتوفيق ربنا خطة تَجلّياتْ عالِمْ بتتحقق و قربنا نبقى 300000 حد مؤمن بأهمية العلم في مصر .. ♥ و بالمناسبة دي احنا لازم نعرف كل الناس اللي شايفين اننا بنقدم حاجة مهمة شوية تفاصيل :) احنا مين ؟ احنا عبارة عن فريق من طلبة كلية العلوم من اكتر من جامعة مصرية :) شايف ان اي دولة متقدمة محترمة مبقتش متقدمة الا عشان عرفت القيمة الحقيقية للعلم و بدأت تاخد العلم طريق للتقدم البشري بنعمل ايه ؟ بنقدم محتوى علمي مبسط بطريقة عامية مصرية يسهل على اي حد فهمها .. و بيكون نتيجة دا انه يبدأ يدرك ان العلم هو اساس كل حاجة حواليه فيبدأ يدرك ضرورة وجود التفسير العلمي و التقدم العلمي بنعمله ازاي ؟ عن طريق استغلال الأنترنت و مواقع التواصل الاجتماعي و صناعة اعلام بديل هادف بنعمله ليه ؟ لأن احنا مهمتنا الأرتقاء بمجتمعنا "المحيط" عن طريق الأرتقاء بقيمة العلم و العلماء .. و تفتيح عيون الناس على ان بلد من غير علم متبقاش بلد :) **ملحوظة .. احنا مش موجودين عشان نخلق تشوه في طريقة تفكيرنا بيقول ان كلية العلوم هي كلية القمة و ان اللي بيدخلوها دول احسن ناس و انها كلية قمة ... القمة الحقيقية بيستحقها اللي بيقدر العلم مش للي بيتشدق بيه :) نتمنى تفضلو تدعمونا و نكون قادرين على توصيلكم لمرحلة الأيمان بضرورة العلم :) دول كانو كلمتين مهمين لازم تعرفوهم في الوقت اللي احنا بنزيد فيه بشكل كبير و كل يوم اسم تجليات عالم بيتعرف اكتر :) #علوم_تتحب #علم_ببساطة ♥